Sniglar setja af stað aksturstækninámskeið

Anders Hjelm á BMW S1000RR hjóli sínu en hann mun kenna á aksturstækninámskeiði Snigla næstkomandi mánudag.

Mánudaginn 24. júlí verður haldið fyrsta aksturstækninámskeið Snigla í akstri mótorhjóla á hringakstursbrautinni í Kapelluhrauni. Námskeiðið er haldið fyrir tilstilli Bifhjólasamtaka Lýðveldisins og munu tveir sænskir mótorhjólakennarar kenna fyrstu námskeiðin. Það eru þeir Anders Hjelm og Niklas Lundin sem hafa þróað námskeiðin í Svíþjóð sem þúsundir meðlima í sænsku mótorhjólasamtökunum SMC taka árlega. Námskeiðin snúast fyrst og fremst um að kenna mótorhjólafólki betri tækni við beygjur og henta öllum, byrjendum sem lengra komnum því skipt er uppí hópa eftir getu. Þeir sem vilja skrá sig á námskeiðin geta sent tölvupóst á 654@sniglar.is og eru fyrstu námskeiðin ókeypis fyrir Snigla. Ef þú ert ekki Snigill en langar að taka þátt er einfalt mál að sækja um á forsíðu sniglar.is og gerast þannig félagi. Námskeiðið hefst stundvíslega klukkan 17:00 og stendur í fjóra tíma og mætir fólk á eigin hjólum.

Athugasemdir

athugasemdir