Hagsmunamál

Samstöðufundur

/ Hagsmunamál, Hjólamenningin, Sniglafréttir /

Samstöðufundur – fundargerð Sniglar héldu samstöðufund vegna umræðu stjórnvalda um komandi kílómetragjald, og mættu rúmlega 100 manns á fundinn. Mikill hiti var í fólki enda upplifir bifhjólafólk það sé bara ekki hlustað á það Hér fyrir neðan eru helstu punktar frá fundinum, en þar sem margar hugmyndir og spurningar komu fram reyndi fundarritari að ná þeim öllum í stikkorðum ▪ Kostnaðurinn við að halda úti kerfinu, heimasíða, eftirfylgni,staðfesting á km, innheimta▪ Skylduskoðun árlega hér, uþb 100-120 millj á ári í innh MótmæliÞingmenn eru hræddastir við samstöðu, þegar heill hópur tekur sig saman er hlustað Í enda fundar var ákveðið að stofna vinnuhóp sem hittist reglulega og ræðir hvaða leiðir er hægt að fara til að ná eyrum stjórnvalda og hvað er best til úrlausna Vinnuhópur:Jón Þór, Milan, Birgir, Sverrir, GummiZ, Karl, Jón Berg, Maríanna, Jóna Guðný, Njáll,HoddóKristrún heldur utanum Betur má ef duga skal, við hvetjum alla til að leggja málefninu lið hvort sem það er opinberlega eða ræða við vinnuhópinn, koma á Snigla fundi, allt hjálpar til, en við krefjumst þess að stjórnvöld hlusti og taki tillit til bifhjólafólks

Samstöðufundur Lesa meira »

Vorfagnaður í Hafnarfirði

/ Hagsmunamál, Hjólamenningin /

Vorfagnaður var haldinn í dag á vegum Snigla, Ökuskóla 3, Samgöngustofu, Ökukennarafélags Íslands og Kvartmíluklúbbsins Það var blíðskaparveður og góð mæting enda orðinn árlegur viðburður í Hafnafirðinum. Einar Magnús Magnússonfrá Samgöngustofu var með erindi um mikilvægi hlífðarbúnaðs en með aukinni verslun á internetinu er fólk jafnvel að versla sér ódýra hjálma sem gera sama gagn og plastpokar. Það er nauðsynlegt að kynna sér vel hvernig vörur fólk er að versla sér til að nota á mótorhjólum. Ingólfur Snorrason frá Kvartmíluklúbbnum var einnig með erindi um beytingu á hjóli og líkamstöðu Sniglar þakkar ofantöldum kærlega fyrir samstarfið og sjáumst heil að ári

Vorfagnaður í Hafnarfirði Lesa meira »

Vorfagnaður Snigla og Tíunnar

/ Hjólamenningin, Hagsmunamál /

Vorfagnaður Snigla og Tíunnar var haldinn í dag í blíðskaparveðri en ekki sást ský á himni og hitamet féllu örugglega í dag Vorfagnaðurinn var haldinn á svæði Bílaklúbbs Akureyrar og þökkum við kærlega fyrir afnotin af svæðinu Hólmgeir Þorsteinsson var með erindi frá Sjóvá þar sem var farið yfir tryggingar á mótorhjólum og fleira áhugavert, þar á eftir kom svo Eydís Sigurgeirsdóttir, bráðatæknir frá Slökkviliði Akureyrar, en hún fór yfir hvernig bregðast skal við aðkomu að mótorhjólaslysum. Einar Magnús Magnússon var svo að lokum með erindi frá Samgöngustofu þar sem m.a. var farið yfir hlífðarbúnað á hjólum. Kunnum við þeim öllum bestu þakkir fyrir komuna og var mjög fræðandi að hlusta á þau öll. Öllum var boðið upp á léttar veitingar, og eftir fræðslu var hægt að nýta sér brautina, en Adam Þorvaldsson bauð upp á að hjóla með fólki og leiðbeina ef þyrfti. Sökum mikils hita var fólk ekkert áfjáðt í brautarakstur en nokkrir nýttu þó tækifærið en Valdemar Þór Viðarsson ökukennari setti upp keilur ef fólk vildi æfa sig. Það var góð þátttaka í dag og vonandi er þessi viðburður kominn til að vera Sniglar þakka vel fyrir sig, og þá sérstaklega Tíunni fyrir samstarfið#sniglarnir #littutvisvar #viltupassamig #hjolamenningin

Vorfagnaður Snigla og Tíunnar Lesa meira »

Aðalfundur Snigla – Fundargerð

/ Hagsmunamál, Sniglafréttir /

Fundargerð aðalfundar Snigla 08/03 2025 í húsi Fornbílaklúbbsins, Ögurhvarfi 2 Fundarstjóri; Skúli GautasonRitari; Kristrún Tryggvadóttir Hefðbundin aðalfundarstörf og umræður í lokin Varamenn voru kosnir til eins árs, en það eru Steinmar Gunnarsson, Njáll Gunnlaugsson, og Ragna Berg. Eins voru kynnt rafræn félagsskírteini, en þau munu komast í gagnið á komandi dögum.  Með þeim er svo hægt að fá afslætti á ýmsum stöðum sem kynnt verða á heimasíðu Snigla, sniglar.isSniglar gáfu viðurkenningar fyrir óeigingjörn störf í þágu Snigla, en þær hlutu Steinmar Gunnarsson, Njáll Gunnlaugsson, Hjörtur (Líklegur) Jónsson og Ólafur Hjartarsson, þökkum við þeim kærlega fyrir sína vinnu Fundi slitið

Aðalfundur Snigla – Fundargerð Lesa meira »

Aðför að réttindum bifhjólafólks

/ Hagsmunamál, Sniglafréttir /

Sniglar hafa sent eftirfarandi tilkynningu á Samgöngunefnd, samgönguráðherra og fjármálaráðherra; Bifhjólasamtök Lýðveldisins mótmæla því kröftuglega þeirri aðför sem gerð er að bifhjólafólki vegna tilvonandi kílómetragjalds. Þar er umferðarhópi sem í tilfelli þungra bifhjóla er að meðaltali tíu sinnum léttari en bílar, ætlað að borga margfalda upphæð samanborið við aðra umferðarhópa. Dæmið fyrir léttari bifhjól er enn verra en þar er munurinn meiri en þrítugfaldur! Til að bæta gráu ofan á svart eiga erlend bifhjól að greiða fjórum sinnum lægra gjald en bílar við komu til landsins, sem að brýtur gegn jafnræðisreglu. Það er því krafa okkar að gætt sé jafnræðis og íslensk bifhjól greiði til samræmis við erlend. Tillaga BSL er því að þung bifhjól greiði 1,7 kr á km og létt bifhjól 0,6 kr. Þar með er ekki verið að fara fram á tíu sinnum lægra gjald, heldur aðeins fjórum sinnum minna, líkt og stjórnvöld hafa þegar gert að tillögu sinni varðandi erlend bifhjól við heimsókn til landsins. Bifhjólasamtök lýðveldisins, Sniglar eru tilbúin að fylgja þessu máli eftir af festu.

Aðför að réttindum bifhjólafólks Lesa meira »

Höfundur er bifhjólakennari, og mótorhjólamaður til 40 ára og hefur oft séð ósanngjarna lagaetningar er kemur að bifhjólum. Sjaldan þó meira en einmitt nú.

Ósanngjörn skipting kílómetragjalds

/ Hagsmunamál /

Það ætlar að sannast hið forkveðna, að það breytist lítið sem ekkert með nýjum herrum. Ný ríkisstjórn lagði fram um helgina “nýtt” frumvarp um kílómetragjald og þar er líkt og fyrir áramót gert ráð fyrir 4 kr gjaldi á kílómeter fyrir öll bifhjól. Er það ekki bara sanngjarnt, gæti einhver spurt? Við skulum skoða það aðeins betur og sjá hvað tölurnar segja okkur. Allir bílar undir 3,5 tonnum greiða sama gjald eða 6,7 kr á km sem er aðeins hærra en bifhjól greiða. Ósanngirnin liggur í þeirri staðreynd að munurinn á 3,5 tonna bíl og meðalþungu bifhjóli er meira en tífaldur! Ef við skoðum síðan létt bifhjól sem eiga að greiða sama gjald og önnur bifhjól er munurinn enn meiri en slík hjól ná varla 100 kg sem er þrisvar sinnum minna en stór bifhjól. Það segir sig sjálft að það er mikil ósanngirni í því að láta muna bara 2,7 kr á tækjum sem eru allt að 35 sinnum þyngri en létt bifhjól. Fjórfalt ódýrara fyrir erlend bifhjól! Það sem gerir þetta svo enn skrýtnara er þegar kemur að útreikningum stjórnvalda varðandi ökutæki á erlendum númerum. Þar er miðað við fast akstursgjald að lágmarki til 10 daga og er gjaldið 13.400 kr þegar kemur að bílum undir 3,5 tonnum. Bifhjól á erlendum númerum eiga hins vegar að greiða 3.350 kr fyrir fyrstu tíu dagana sem er fjórum sinnum lægra en fyrir fólksbíla. Ef þetta er viðmið stjórnvalda fyrir erlend ökutæki segir það sig sjálft að íslenskt bifhjólafólk geri þá sjálfsögðu kröfu að greiða fjórum sinnum lægra gjald en bifreiðar enda er það nokkuð nærri lagi þegar horft er til munar á þyngd ökutækja. Það hlýtur því að vera krafa bifhjólafólks að kílómetragjald bifhjóla lækki niður í 1,7 kr fyrir þung bifhjól til að fullrar sanngirni sé gætt! Að sama skapi væri eðlilegt að létt bifhjól greiði 0,6 kr á kílómetra. Höfundur situr í stjórn Snigla. Njáll Gunnlaugsson

Ósanngjörn skipting kílómetragjalds Lesa meira »

Aðalfundur Bifhjólasamtaka, lýðveldisins Sniglar

/ Hagsmunamál, Sniglafréttir /

Aðalfundur Snigla 8.mars 2025 Fundurinn verður haldinn í húsnæði Fornbílaklúbbs Íslands að Ögurhvarfi 2, 203 Kópavogi Húsið opnar kl 11:30 en fundur hefst stundvíslega kl 12:00. Það eru allir velkomnir á fundinn en einungis greiddir Sniglar hafa kosningarrétt. Dagskrá : 1. Setning fundar 2. Kosinn fundarstjóri 3. Fráfarandi stjórn gefur skýrslu 4. Gjaldkeri leggur fram ársreikning 5. Umræða um ársreikning og skýrslu stjórnar 6. Gjaldkeri leggur fram rekstraráætlun komandi árs 7. Ákvörðun félagasgjalda fyrir næsta ár 8. Lagabreytingar ef einhverjar eru 9. Kosning formanns 10. Kosning í stjórn 11. Kosning tveggja skoðunarmanna 12. Önnur mál 13. Fundarslit Stjórn Snigla er samansett af fimm manns: Það er formaður og fjórir stjórnarmenn. Formaður er kosinn til tveggja ára í senn. Seta stjórnarmanna er tvö ár í og skiptist þannig að tveir fara út í einu. Þrír varamenn í stjórn skulu kosnir til eins árs í senn. Formaður Þorgerður Hoddó Guðmundsdóttir hefur verið formaður síðastliðin 6 ár, en setið í stjórn í 9 ár. Gefur hún kost á sér til formanns. Guðrún Fjóla Guðmundsdóttir varaformaður er að ljúka sinni setu en gefur kost á sér áfram. Jokka G Birnudóttir meðstjórnandi situr áfram í stjórn í eitt ár í viðbót. Sigurjón Hansson ritari situr áfram í stjórn í eitt ár í viðbót . Hrafnhildur Steindórsdóttir gjaldkeri er að ljúka sinni setu og gefur ekki kost á sér aftur. Að sitja í stjórn Snigla er skemmtilegt og krefjandi starf, við höfum unnið náið með samgöngustofu, Vegagerðinni, borgaryfirvöldum og lögreglu í allskonar verkefnum ásamt því að vinna í allskyns herferðum Það nýjasta er dósasöfnun til styrktar Vegagerðinni sem gengur merkilega vel Stjórnin vinnur með hagsmuni mótorhjólafólks í fyrirrúmi og erum í góðri samvinnu við FEMA Svo eru skemmtilegu verkefnin eins og skipulagning 1.maí keyrslan, vorfundurinn ljúfi, fjölskyldugrill og ekki má gleyma öllum opnu húsin þar sem við fáum að hitta allt skemmtilega fólkið. Þar hafa ýmsir stigið á stokk, kynnt sig og sína, höfum fengið allskyns fræðsluefni, auk þess að fá beint samtal við hinar og þessar stofnanir Við gerum kröfu um að fólk sem gefur sig fram til starfa fyrir Snigla, hafi tíma, áhuga og getu til að vinna að hagsmunum bifhjólamanna. Þetta allt gerist ekki að sjálfu sér! Við óskum eftir fersku fólki í stjórn með okkur og nú má unga fólkið endilega leggja okkur lið  Samfélagsmiðlar eru orðnir jafnsjálfssagðir og tíkallasímarnir voru hér áður og okkur vantar td einhvern hugmyndaríka/nn aðila í það Endilega heyrðu í okkur, komdu í framboð, sumarið er handan við hornið og nóg að gera! Samtakamáttur mótorhjólafólks á Íslandi fer núna vaxandi og við þökkum stuðninginn við starfið á liðnu ári. Það er með greiðandi félögum okkar sem hægt er að halda úti öflugri starfssemi og hagsmunagæslu. Við viljum því nota tækifærið og minna alla á að greiða greiðsluseðlana í heimabankanum, fyrir aðalfundinn, og þökkum fyrir stuðninginn um leið og við bíðum full eftirvæntingar eftir hjólasumrinu 2025. Kær kveðja stjórn Bifhjólasamataka, lýðveldisins Sniglar.

Aðalfundur Bifhjólasamtaka, lýðveldisins Sniglar Lesa meira »

Opinn fundur með vegagerðinni – upptaka

/ Hagsmunamál /

Hér setjum við inn upptöku frá opna fundinum sem haldinn var í húsnæði Vegagerðarinnar í Garðabæ miðvikudaginn 23.október. Hér er dagskráin: 1. Nýframkvæmdir og fjárfestingar næstu árin – Arndís Ósk Arnalds, framkvæmdastjóri mannvirkjasviðs 2. Viðhald á vegum – Oddur Sigurðsson Hjaltalín, forstöðumaður stoðdeildar 3. Upplýsingamiðlun til vegfarenda – Bergþóra Kristinsdóttir, framkvæmdastjóri þjónustudeildar 4. Opnar umræður og spurningar Fjöldi bifhjólafólks mætti á kynninguna ásamt, forstjóra Colas, Sigþóri Sigurðssyni, alþingismaðurinn Gísli Rafn Ólafsson, Pírötum og framkvæmdastjóri FÍB Runólfur Ólafsson. Við þökkum öllum sem komu og tóku þátt í að kynna sér bætt öryggi okkar í umferðinni. Við höfum sýnt að við erum sterk samtök og félagsfólk okkar hefur mikið fram að færa í þessum málefnum. Það hefur vakið athygli hversu sterk og sýnileg við erum.

Opinn fundur með vegagerðinni – upptaka Lesa meira »

Opinn fundur með vegagerðinni 23. 10. 2024

/ Hagsmunamál /

“Ákall um úrbætur, of lítið fjármagn til viðhalds gatnakerfis hefur kostað mannlíf”Bifhjólafólk hefur um langt bil kallað eftir viðbrögðum stjórnvalda og Vegagerðar um úrbætur á vegumlandsins, en mörg slys hafa orðið vegna vankanta í þeim efnum.Miðvikudaginn 23.október verður opinn fundur Snigla og Vegagerðarinnar kl 19.00, að Suðurhrauni 2 íGarðabæ Við viljum fá svör við því hvernig hægt er að nálgast fjármagn sem þarf til að viðhalda vegakerfinu okkar,en stjórnvöld hafa svelt þennan málaflokk svo árum skiptir sem kemur niður á almenningi.Of mjóir vegir, lélegar klæðingar, einbreiðar brýr, lítil ending á malbiki, endalausar holur, sig í vegum,hjólför, og mikill umferðarþungi, allt þetta veldur slysum.Sniglar hvetja bifhjólafólk til að fjölmenna á fundinn en dagskráin verður sem hér segir;Fundarstjóri kvöldsins verður G. Pétur Matthíasson Dagskrá: Vegagerðin mun sjá um að bjóða upp á hressingu á staðnum. Þar sem kosningar eru framundan hvetjum við alla tilvonandi þingmenn til að mæta og taka þátt í þessum umræðum með okkur, því þetta er jú málefni sem snertir okkur öll, til framtíðar

Opinn fundur með vegagerðinni 23. 10. 2024 Lesa meira »

Shopping Cart
Scroll to Top