Hjólamenningin

Nú er biðin nánast á enda – 1. maí er handan við hornið og spennan farin að magnast fyrir eina skemmtilegustu hefð ársins. Við minnum á að lagt verður af stað stundvíslega kl. 12:00 frá Grandagarði. Svo er mikilvægt að mæta tímanlega og vera klár þegar lagt er í hann. Keyrslan endar svo á bílaplaninu við Mjódd þar sem við komum saman og njótum dagsins. Á endastöðinni verða 2guys og vöffluvagninn, auk þess sem klósettaðstaða verður á svæðinu. Á Granda verða Hollvinir á staðnum með límmiðasölu til styrktar Grensás – allir eru hvattir til að sýna stuðning og leggja sitt af mörkum með frjálsum framlögum. UMFERÐASTJÓRN – ÞAÐ TÓKST! Það er okkur sönn ánægja að segja frá því að markmiðið náðist – við erum komin með þann mannskap sem þurfti í umferðastjórn. Við viljum senda innilegar og hjartans þakkir til allra klúbba og einstaklinga sem buðu sig fram. Framlag ykkar skiptir sköpum og gerir það að verkum að hægt er að halda þessa frábæru hefð áfram á öruggan og skipulagðan hátt. Án ykkar væri þetta einfaldlega ekki hægt. Þúsund, þúsund þakkir – við kunnum virkilega að meta þetta! Við hlökkum til að sjá ykkur öll 1. maí – njótum dagsins saman og gerum þetta að enn einni frábærri keyrslunni.

1. maí hópkeyrsla Snigla Nú styttist óðum í eina skemmtilegustu hefð ársins – 1. maí hópkeyrslu Snigla! Undirbúningur er í fullum gangi og stjórn vinnur hörðum höndum að því að púsla saman öllum þeim þáttum sem gera daginn eftirminnilegan. Það er ýmislegt sem þarf að huga að: leiðin sjálf, leyfismál, skipulag á áfangastað, matarvagn, salernisaðstaða, merkingar og auðvitað öryggi. Allt þetta leggst saman til að skapa góða upplifun og skemmtilega stemningu fyrir alla þátttakendur. Hópkeyrslan hefst á Grandagarði og verður lagt stundvíslega af stað kl. 12:00. Endanlegur áfangastaður verður kynntur síðar, en ljóst er að keyrslan verður lengri en í fyrra. UMFERÐASTJÓRN – LYKILATRIÐIÐ Eitt af því allra mikilvægasta við framkvæmd hópkeyrslunnar er öflug umferðastýring. Til að keyrslan geti farið fram á öruggan og skipulagðan hátt þurfum við að minnsta kosti 30 sjálfboðaliða til að manna gatnamót og hringtorg. Og hér er staðan einföld: Engir sjálfboðaliðar = engin hópkeyrsla. Þetta er ekki sagt til að dramatísera – þetta er raunveruleikinn. Öryggi allra sem taka þátt er í forgangi og án nægs fjölda í umferðastjórn er einfaldlega ekki hægt að halda keyrsluna. Ef þú mætir alltaf í keyrsluna – þá er þetta tækifærið til að leggja þitt af mörkum. Ef þú vilt halda þessari frábæru hefð á lífi – þá skiptir þitt framlag máli. Ekki gera ráð fyrir að einhver annar sjái um þetta. Þessi “einhver” þarf að vera við – saman. Taktu þátt – við þurfum á þér að halda Við hvetjum klúbba, samtök , félög og einstaklinga til að stíga fram og taka þátt í þessu mikilvæga verkefni. Þetta er ekki flókið – en það er algjörlega nauðsynlegt.  Sendu póst á: stjorn@sniglar.is  eða hafðu samband í gegnum Facebook-síðu Snigla Viljum við keyrslu 1. maí? Þá gerum við þetta saman.

Miðvikudaginn 13 ágúst voru Sniglar með fjölskyldu grill hjá Grensás. Mikill fjöldi bifhjólafólks mættu ásamt starfsfólki og skjólstæðingum Grensás. Heppnin var með okkur og fengum við blíðskaparveður og áttum við góða samveru saman. Sniglar fengu styrk fyrir pylsur og ís og þökkum við kærlega fyrir. Þann 1.maí söfnuðu Sniglar 700.000 þus fyrir Grensás og í fjölskyldugrillinu söfnuðust 261.700 krónur. Við þökkum við öllum innilega fyrir stuðninginn. Hér eru nokkrar myndir og sjáumst aftur að ári

BellRing var haldið í Sniglaheimilinu miðvikudaginn 28.maí , og var mæting góð. Um 100 manns komu, fengu knús, spjall kaffi og kleinur, og var svo lesinn upp listi fallinna félaga. Þetta var falleg stund og þökkum við öllum þeim er mættu Förum varlega í sumar og komum öll heil heim ❤️

Þrátt fyrir kalsaveður og smá úða mættu fjöldi manns í 1.maí keyrslu Snigla sem var vel. Svona keyrsla fer ekki í gang að sjálfu sér og vilja Sniglar þakka Reykjavíkurborg, Lögreglunni á Höfuðborgarsvæðinu og Strætisvögnum Reykjavíkur kærlega fyrir alla samvinunna. Þetta væri heldur ekki hægt án alls mótorhjólafólks sem lagði sitt fram í umferðarstjórn, því víðsvegar þarf að stoppa umferð, bæði akandi og gangandi. Það eru ekki komnar tölur um fjölda hjóla sem mættu í keyrslu en þau voru þó yfir 500 talsins. Að auki þá var safnað fyrir Grensás og takk allir sem lögðu sitt af mörkum en tæplega hálf milljón safnaðist og er enn hægt að leggja inn á söfnunarreikning ef fólk vill bæta við, 4706911909 0516-26-21201 Sniglar munu þar að auki leggja framlag á móti. Söfnun stendur til 15.maí. Takk allir fyrir frábæran dag og velkomið hjólasumar 2025. Elva Hrönn Guðbjartsdóttir tók myndir af hjólafólkinu þennan dag og má sjá hluta af þeim myndum hér.

Sniglarnir, Bifhjólasamtök lýðveldisins, afhentu Vegagerðinni ágóða af dósasöfnun sinni þann 1. maí. Alls söfnuðust 400 þúsund krónur en fyrir það fást 10 metrar af malbiki eða 50 metrar af klæðingu. https://www.vegagerdin.is/vegagerdin/starfsemi/frettir/sniglar-sofnudu-fyrir-vegagerd?fbclid=IwY2xjawKB6uRleHRuA2FlbQIxMABicmlkETB2MmhpOURCQzBUY21PV0hUAR6I_xV16KWQjFLJVmX_yGe2lzL-NGJMvNrYMrhqGfaM9LUz6b6zmCdbEIc6TQ_aem_zxxUPvdmLSlvUpWRB3Ggeg